Inviato da admin il Sab, 02/01/2010 - 21:30
- A quandu a quandu fici barriatti, l’omini nesciru senza testa
- Juarnu da candilora, cu non’ava carna si mpigna la fhigghiola
- E tu, parra quandu piscia la gaddhina
- Ficia de nu mantu na bbarretta
- U vua chiama cornutu a lu bagagghjiu
- Mbecchiasti e no mparasti
- Si vua mu vidi l’amicu schiattara fhaddu mu parra, e no rispundira
- Avoglija mu nda fhai ricci e cannola lu santu che’ de marmuru no suda
- Scinda ca’a sgaddhi
- No serva de tabaccu mu domandi o ti cacci lu vizzu, o accattatinda
- U cacatu ngiurija u pisciatu!
- Vasciati erva fina fhina chi passa a china
- Si cola ca..va no morìa.
- Cu ava assai dinari sempa cunta, cu ava bedda muglijera sempa canta
- Piciuna mutu no po’ essara servutu!!!
- Ficia nu grupu ntra l’acqua
- Miagghiu oia l’uavu ca domana na gaddhina
- Mpara l’arta e mentala de parta ca no’ssai chi bena appriassu
- Pagati mastru ca lu fhurnu catta
- Vizzu de natura, fhina a la morta dura
- U ciucciu che mparatu a la fhicara, u vizzu si lu caccia quandu mora
- Vestiti zzuppuna, ca pari nu baruna
- Gobba a ponente, luna crescente. Gobba a levante, luna calante
- La mala jiornata, si vida a matinata
- La matinata fhà la jornata
- L’uamu de piccu, ava d’essara riccu
- Si jungiru pampini de cavulu e lippi de fiumara
- L’acqua i dissa a petra: dammi tiampu ca ti cupu
- Uamu gelusu mora cornutu!!!
- Ti dola la panza??? Vai de costanza ca ti mungia nu limuna e pua ti jetta do barcuna.
- A ruvina dei poviri esta a pezzenteria.
- È tutta na questiona de ha. Cu ha, ha e cu non ha no ha.
- Senza dinari no si nda canta missi.
- Si nda jiu pe missi ditti.
- Cu si spusa è cuntiantu nu juarnu, cu ammazza u puarcu è cuntiantu n annu
- Spusati fhiggjiualu ca pigghji viantu
- Ojia tuttu u mundu é frittuli
- Cu mora cu li fhungi, ammazzatu cu lu cìangia
- Miagghiu na fhimmana cu i caddi, ca na fhimmana cu l anedda
- U diavulu non ava piacuri e vinda lana
- No parrara ntre viali, ca ndava ricchji ntre sipali
- Cu i mina a ciuccia e a fhimmana crida, lucia e paradisu no vo mu nda vida
- A contadina tisa, ti porta a casa menza spisa
- U vurdu no po cridira o daiunu
- No mova pampina si no mina viantu
- Tantu de li sordi chi ava, chi po fhara u pana
- Caru cumpara si vua mu t imbitu, tu porta a carna ca io miantu u spitu, tu porta u vinu, ca u mio è acitu, tu porta u pana, ca u mio è mucatu
- Caru cumparu si vua spusatu, viani ca ti puartu cu mia a gajjiatu, tra chiaravaddi e santu vitu, ca doppu dui juarni scindimu a suvaratu, e dda ti dannu a patenta e cornutu
- Carta vena, iocatura avanta
- A vucca è na ricchizza
- A mangiatura è vascia
- Casa quantu mu pua stara, terra quantu mu nda pua zzappara
- Cu no fravica e no marita, no sapa o mundu chi si dicia
- Lu monacu de l’abatia, perza i chiavi pe la via, e mo i vo de mia
- Cu nescia quatratu, no po morira tundu
- Quandu u triciualu scivula, va sempa nc..u o contadinu
- Vidisti u lupu, e vai cercandu i pedati?
- E cu lu dissa non’ha sbagliatu, ca u cana muzzica, a lu sciancatu
- U lupu perda u pilu ma no u vizzu
- Vizzu de natura, fhina a morta dura
- Pata lu giustu pe lu peccatura
- Quandu li ciucci azzijanu, si ruppanu li voliri
- U puarcu mangiandu, fhicia risi de lu bagajjiu
- Oh mancu li cani mu nda vuannu
- Cu sbaglia de testa, paga de tasca
- Raccumandai li piacuri a lu lupu
- Quandu lu piru é maturu, cada de sulu
- Va cu i miajjiu e tia, e falli i spisi
- Mo,puru li pulici hannu la tussa
- Si hai prescia, va curcati
- Quandu chiova e mina viantu, no jira a caccia ca piardi u tiampu
- A napuli é juarnu
- Paghi caru, e siadi mparu
- Quandu l uamu è nu cretinu, lu cumanda la mujjiera, co rivijjia mattutinu, pemmu appiccia la lumera
- I ciucci si mbriganu, e i voliri si sgasciunu
- Quandu manca lu gattu, i surici abballunu
- Cù no’ssi raspa cu i mani sua, u mangiasuna no li passa mai
- Stanotta mi sonnai ca era priavita e mi nzurai, mi pigghjiai na monacheddha e mamma mia quant’era beddha
- Cu sulu s’avanta, cacatu si senta
- Quand’hai lu catarru, vinu cu lu carru
- Ava la malatia de lu ndò, mu mangia si e mu fhatiga no
- Cucinala cuamu vua, ca sempa cucuzza é.
- Cuamu c’accuanzi é sempa cucuzza.
- A’ttia ti mangia u puarcu?
- Corijisima pinnata, jiu mu lava la vucata, li pigghjiau freva maligna, corijisima cu la tigna.
- Simina quandu vua, ca a giugnu miati
- Quandu è niggru du timpuna da rosa, pighjiti i cuasi e vattinda a la casa
- Si no vò mu viva u ciucciu, a voghja mu u frischji
- Esta sbiju de ruga e trivulu de casa
- Parrara a cu no ssenta è na paccia!
- Tiricciàpti jia a l’uartu, malaguru li jia de appriassu, e si non era pe anchistuarti, tiricciàpti era muartu! (tiricciàpti è u puarcu, maluguru u lupu e anchistuarti u cana)
- U puarcu è a muntagna e... A coddara vugghjia!
- Jiandu e veniandu buttuni cogghiandu, e ndinocchiuni cogghiandu cottuna. E cchiù ndinocchiuni jia, cchiù cuttuna cogghjia, e cchiù cuttuna cogghjia, cchiù ndinocchiuni jia.
- A mugghiera d’atri é sempa cchiu beddha
- La petra chi no pigghjia lippi, si la leva la fhiumara.
- A la mala vicina, fhaddhi la pitta chjina
- Na pica pirillica pizzingorda guverna setta pichi pirillichi pizzinguardi... Ma setta pichi pirillichi pizzinguardi no guvernanu na pica pirillica pizzingorda!
- Pignatiaddhu cupu cupu, chi puacu pipa capa
- Chiddhu chi simini ricuagghji.
- U gustu do bagagghjiu, é mu mangia la gramigna
- Cu cerca mu lava a capu a lu bagagghjiu, perda u sapuna l’acqua e la lissìa.
- Secundu la vita, à mu azzicchi lu palu.
- U lignu stùartu, sulu u fhùacu l’adderizza.
- L’arvuru chi nno frutta, tàgghjialu de sutta, e ssi ppua torna’jettara, tagghiulu do pedala
- A baca da a cala da ciaccia, e beche de e chele de cieccie, i bichi di i chili di cicci, o boco do o colo do cioccio, u ...
- Si misa la gunneddha pizzi pizzi, e rigamata cu capidecazzi.
- Ùacchiu no bbida, cora no ddola.
- Saccu vacanta no sta al’addhirta
- Cu non’ava nenta e fhara, pigghia i gatti a pettinara
- Cu sulu s’avanta cacatu si senta!
- Jivi a l’uartu de ziamma burdino mi nda inchivi na sinata china de pira piracchi de corna e de cacchji, de cacchji de cugni e depira cutugni.
- A’rrobba do comuna, va jettala o cafhuna
- Scarta vrusciu e piddja primera
- Schhiattu do viddhicu, fhina chi tu dicu
- Nelle feste e nella commozione non si risparmiano sorrisi e lacrime.
- No’ncé zziti senza risu e chianti, e no’ncé lutti senza risi o canti
- Ruvina chi patimma dissaru l’agriddhi, quandu tiraru fhuacu a la rastuccia
- Quandu canta la cicala, v’addunati a la fhicàra
- Quandu a luna ava lu ruatu, o acqua o vìantu o terramuatu
- Cu chiazzalùari e sbirri, no’ffara cumpagìa ca la sgarri
- De ùagghiu, mustu e agghianda, ad’agustu si dumanda.
- Vizzu de natura finca a morta dura!
- U sula scarfa a cu vida
- U savurru aza u muru, e u mazzicànu puru.
- L’acquazzina no’nda ìnchia puzzu.
- Sì pacciu cuamu na vacca
